العالم للمرة التانية يضحك على مصر
المرة الاولى لما الجيش قالنا حمى الثورة و السؤال الى محدش عرف لة اجابة حماها من اية … ؟
ازاى حامتها واغلب النشطاء نزلاء فى س 28
اغلب اعضاء الحزب المنحل برة بينهبوا فى شعبها
و واحد من عصابة الطاغية مبارك و من الطبقة الوزارية للمخلوع و اكتر راجل وثق فية الطاغية قبل سقوطة و اعتمد علية كرئيس وزراء بقى دلوقتى على ابواب قصر الرئاسة و مع ذلك الناس مصدقة لحد دلوقتى ان الجيش هو الى حمى الثورة !!
و مش بعيد انك تلاقى ناس فاكرة ان الجيش هو الى عمل الثورة .. !!
انا مش بعيب ف الجيش بس النظام الهرمى الى ف الجيش بيخلى فكرة راس الهرم تسيطر على الهرم كلة و دة كان باين اوى ف الاختلاف الى حصل من العسكرى المصرى ف يوم التنحى و فى يوم احداث الوزراء ..
انا ضد فكرة محاسبة المؤسسة العسكرية لان دا هيدخلنا ف صراعات محتومة النهاية ..
و فكرة محاسبة المؤسسة العسكرية كان السبب الرئيسى ف حدوث مجزرة بورسعيد ..
الجندى المصرى من الاخر معمولة غسيل مخ وصعب تغير الفكرة الى عندة الا لو نزلت لمستواة ..
زى عكاشة كدة ..
على فكرة الراجل دة من رأئ انة سبب كبير فى فشل الثورة و فقدها للرأى العام لانة بيتكلم بلغة الطبقة الفقيرة و شفيق استغالة ف حصد اصوات
شفيق كانت كل اصواتة كانت من مناطق الفلاحيين و المناطق الراقية اوى و متقاعدين الظباط و كبار السن ..
السبب ان الفلاحين انتخبو شفيق هو عكااااااااشة بلاشك لانة اتكلم بمستواهم الفكرى ..
و الطبقة الراقية اختارت شفيق حفاظا على املاكها و سلطتها ..
و الغريب ان موضوع رفض الفكر المصرى لتغير المفاجئ تكرر قبل كدة لما سيدنا موسى انقذ اهل مصر من الفرعون .. سعنها الشعب فرح بية …. وراح عبد الثور !!
من رأئ ان وقت النضال الميدانى انتها …. و جاء وقت النضال الفكرى لتشجيع التصادم الطبقى سعتها هتعمل احياء للثورة الصحيحة بطريقة غير مباشرة
دلوقتى عرفتوا لية البردعى سافر و سابكم !!
الى بيحصل دلوقتى هو النفق المظلم الى اتكلم علية البرادعى ..
ومن الاخر الثورة كدبة كبيرة الى حصل انتفاضة من جسم مليان امراض و مغيرتش حاجة فى النظام الطوفيلى …
الثورة الحقيقية من تحت من العمال و يساندها بعد كدة الطلاب و الطبقة
المتوسطة .. مش العكس طبيعى جدا تلاقى العمال استسلموا فى نص الطريق لان بيبساطة
دورهم الاساسى كان المساندة و ليس اشعال الثورة و الطبقة المتوسطة ما هى ترس ف الة
كائن مستهلك اكبر مما هو منتج صعب تغير روتينة و تقولة انتج اكتر ما تستهلك
مستنى تعليقاتكم...
